Nzema gyimayɛlɛ edwɛne bie mɔ nvedenvedenu An appraisal of work songs among the Nzema

Abstract

Nvedenvedenu ɛhye bamaa yɛanwu Nzema gyima edwɛne bie mɔ nee nvasoɛ mɔɔ wɔ zo la. Gyima a le nyεleε mɔɔ sonla fa ye anwosesebε nee ye adwenle yε, mɔɔ maanlema die to nu na nvasoε wɔ ɔ nzi la. Edwεne a le edwεmgbɔkε ngakyile mɔɔ bεnwo anzɛɛ bεto bεdielie bε nye na ndelebεbo wɔ nu la. Gyima edwεne a le edwεne mɔɔ bεto ye wɔ gyima mekε la. Kpolerazulɛ biala ɛnle nwo kɛ saa maanle bie kɛhɔ ɔ nyunlu a, ɔgyi kɛ ezuavolɛ ne mɔ anye si bolo yɛ gyima la azo. Nzema lɛ gyima dɔɔnwo mɔɔ bɛto edwɛne bɛsua ye a. Bie mɔ noko εyεlε nu εngyia edwεnedolε. Gyima mɔɔ bɛyɛ a bɛto edwɛne la bie mɔ a le nzahanlε, εyazonlε, nwowiehwenlε, εlεnehanlε, dubazelε, akpɔdalilε, ndilebɔlε, awulepenlε nee dɔɔnwo mɔɔ bokεboka nwo la. Akɔndezilε, aleεdɔnelε, aleεdonlε, kilehilevolε gyima nee dɔɔnwo noko mɔɔ boka nwo la εngyia edwεne εdolε.