Hↄmↄwↄ kple lalai yε kpoŋ otii amlipεimↄ

Abstract

Kple lalai ji lalai ni fata Kpoŋmεi ahe. Kpoŋmεi fata Gamεi aku lε he yε wↄjaku Ghana. Alaa lalai nεε yε Hↄmↄwↄ beiaŋ. Akε Kple lalai wieↄ jeŋshihilε mli nifeemↄi ahe hewↄ lε shigbεlεmↄ nεε pεi Kple lalai amli koni ekwε otii ni jeↄ kpo titri yε lalai nεε amli. Shigbεlεmↄ nεε kε Kple lalai ni ala yε afi akpei enyↄ, nyↄŋmai enyↄ kε etε (2023) kε afi akpei enyↄ, nyↄŋmai enyↄ kε ejwε (2024) Hↄmↄwↄ afiyeli lε mli tsu nii. Shigbεlεmↄ lε pεi lalai lε amli yε kusum kε maŋ shishinumↄ ni amεkεhaa amεnifeemↄi ahe. Akε lalai nyↄŋmai kε ejwε ni tsu nii ni ata mεi enumↄ adaaŋ kεna shishinumↄ pↄtεε ni yↄↄ lalai lε ahe. Yε shigbεlεmↄ lε mli lε eje kpo faŋŋ akε Kple lalai lε yafeↄ lalai ni ji jεmↄ kεha mεi ni afo lalai lε ashi lε yε amεnifeemↄi ni esaaa maŋbii loo akutsoŋbii komεi ahiε. Ekoŋŋ hu lε, akε lalai nεε nↄŋŋ woↄ maŋbii aŋaa ni amεhi shi yε subaŋ kpakpa mli ni akεjieↄ mεi ni bↄↄ amεhe mↄdεŋ yε maŋ lε mli lε ayi. Eje kpo hu akε, kεtsↄ Kple lalai anↄ lε, maŋ lumεi lε haa maŋbii ahegbε koni amεwie amεshi nibii gbohii ni yaa nↄ yε maŋ lε mli. Ana hu akε lala kui lε kε ŋai srↄtoi ni eko ji wiemↄheŋↄↄmↄwolↄi ni fo lalai. Shigbεlεmↄ nεε yeↄ ebuaa shishinumↄ ni yↄↄ Ga kusum nifeemↄi lε eko he.